Kidung pangkur tutup tahun ( tahun baru )

Tutup tahun tahun baru

KIDUNG TUTUP TAHUN

( Menyambut  Tahun baru 2019 )

PANGKUR

1. Wus kepungkur warsanira/
Tumapaké pungkasan warsi niki/
Tan kendhat atur panuwun/
Wit paringan Pangéran/
Kang tan imbang karo lelabuhanipun/
Manungsa ing alam donya/
Nyata maha mirah Gusti//

2. Hanambut warsané énggal/
Kalihèwu sangalas ing Masèhi/
Sumangga sami nyenyuwun/
Nusantara sentosa/
Datan kéguh nadyan ta politik tahun/
Wus dadi anteping bangsa/
NKRI rega mati//

3. Jawat asta mring sasama/
Ngaturaken sugeng énggal kang warsi/
Tandha sami guyup rukun/
Tan mawang sapa sira/
Tan lyan namung tiitahé Hyang Maha Luhur/
Sareng angudi raharja/
Samangkin sarta salami//

Sandinama,
Sor Blimbing, 30122018

Add a Comment

Your email address will not be published. Required fields are marked *